| ₪|[[ عـافـك الـ... 的个人资料ჯ[ عـافـك الـخـاطـر ]ჯ照片日志列表 |  工具  帮助 |
|
5月21日 Bye Bye .. Spaceهلـوو يـا جماعه الخـير ...
كـيف الحال .. ان شالله كويسين
^^" .. صارلي تقريباً سنة
من آخر بلوق
@@ حششـى .. والله يومين .. ولا جنهم سنة
المهم .. اليوم تذكرت .. وقلت ادخل على السبيس واحط بلوق
عـ الاقل اقولكم .. اني خلاص .. اعتزلت السبيسات
يعني لحد يتوقع بلوقات يديده
لوول .. مال اول انتوا .. سبيس
-__- العالم طايحين في فلكر الحين
على طاري الفلكر .. هاي فلكري .. للي حاب يتواصل .. هـع
وشريت لي كيمـرا فنتوكية ..
وخلاص يعني صرت مصور من قلب
=D
هـ الشهر .. صج صج .. من احلى واتعس الشهور اللي مروا علي
يعني .. شاقول وشاخلي ..
مصايب وبلاوي زرقا صارت لي ..
وبنفس الوقت .. اشيا وايد حلوة جات وياها
=) وتعرفت على ناس وايد
و ربع يداد
وكل شي .. يعني حياة جديدة
Anyway ..
السكول كارفينـا كرف
ماخلوا بحث ولا بطيخ ماعطونا
واحنا ما باليد حيلة .. سمعاً وطاعة
=D رايح بريطـانيا الشهـر الجاي
مع الشباب
وناسة @@ مب مخلي شي مب مصورة
واكيد كل شي بيكون
Updated
على فلكـر
المهمـ .. سوري
بس كانت فترة ممتعة .. ايام السبيـسات
=D كح كح .. مال اول والله .. عيب عليكم
وبـث ..
C.u(R.e)
- على فكرة .. عافك الخاطر مب نكي خلاص .. الحين
Cure ..
والسلامـ عليكمـ .. ورحمه الله وبركـاته
6月21日 ჯ كروه ؟ ورده ؟ قصيدتين !؟ ჯ.
Hi
.
السلام عليكم جميعا
اخباركم ؟ علومكم ؟
احم احم ^^" لحد يطالعني جيه ادري ادري اني مقصر وياكم
بس مالي خص قلت لكم باغيب عنكم فـ البلوق اللي فات << قام يتحجج
المهم ^_^ والله ولكم وحشه عاد تصدقون ؟
في كل مكان افكر واقول شاكتب في سبيسي
عندي الحين افكار لا متناهيه ^^" وحتى صور يايه مايمديني اعدل عليهم
فـ اليوم بحط لكم كمن شي صار لي في خلال الغياب
و ايه قبل لا نبتدي باركولي ^^" نسبتي 93.6 % ولله الحمد
صج الفصل الاول كانت النسبه اعلى بس معليه نعوضها السنه الجايه
هممـ تصدقون احس اني فقدت الحس الفكاهي اللي كان عندي
ههههه والله مادري ليش .. يمكن من الاجازة لها تأثير
لايعه جبدي والله ما عندي شغل قاعد 24 ساعه جدام التي في والنت
واذا باطلع السينما ودواره فـ الستي وراجع .. ابي اسوي شي
يكسر روتيني .. بس ماعرف وشو !؟
ايه صج ذكرتوني ! قالوا لي تاريخ 2 - 7 باروح العمره مع الاهل
فـ لا تتوقعون بلوق بالفتره القادمه بعد ^^" خلوني افرغ كل شي هني
و صج ! توني راجع من دبي .. اول امس رحنا بعد زياره للاهل
وناسه والله .. ولا يوم يلعبون هاند يموتون من الضحك
تدرون من سنه يدي ما رحت دبي والله .. و وايد غير عن اول
معليه معليه لاحقين على صور دبي باحطها لكم فـ البلوق الياي
خلونا نبتدي بالصور
.
اول شي الورده ! اوف هالورده العجيبه
اختي عطتني ياها من زمان ^^" هي ماكانت بتعطيني اصلا
 بس اول ما وصلت قلت لها اكيد هالورده الحلوه حقي وانا شاق الحلج عاد قالت ايه اكيد ^^" وعطتني .. المهم حطيتها في كوب وعـ الجامه
ولا عقب يومين رجعت اجوفها الا ماتت ! مسرع
المهم ^^" عاد يوم لقيتها ماتت خليتها .. و بعدين صارت الساعه 2 الليل تقريبا
وانا طايره من عيني النوده كلش .. لا وباجر عندي دوام شيقيمني ؟
المهم .. ورحت الفجر جيه واخذ الورده و اروح ابي اغلها فـ الزباله الله يكرمكم
ولا اجوف حبه طاحت .. قلت دامني فاضي ليش ما ابتكر واصورها ؟
وفعلا خذتها و رحت الاستيديو << امحق استيديو .. فـ الحمام الله يكرمكم
هههههه شاسوي مافي مكان فاضي الا هناك
انجين .. واروح واحطها واكشخها واصورها .. وهذي كمن صوره لها
واللي يبي صور اكثر يقدر يجوفهم من الفوتو البمـ
.
السالفه الثانية الله يسلمكم ويعافيكم ويطول بعمركم
يوم من الايام العفوكيه الخاطرية .. وانا اسولف مع رفيج العمر التلفزيون
ولا يرن جوالي .. شالسالفه ؟ جوالي له سنين ما ران ^^" ههه
بس ماخذه عشان البلوتوث << لحد يصدق
عاد طلع واحد من الربع يبي ورقه .. وانا بنفسي اتابع المسلسل مب فاضي له
عاد هو يبي يسألني عن شي .. واقوم جيه لا شعوريا واعفس الكتب
يعني ما اطالع الاوراق راسي صوب التلفزيون وانبش
ولا بعد على كل هـ العفسه ما لقيت الورقه اللي يبيها ^^"
لا تبون الصراحه لقيتها .. بس ما قلت له لانها كانت طويله
وانا ابي اتابع مسلسلي وهو متفرغ قاعد يهذر << طالع من يتكلم
و هذي بعض الصور من الحادثة الاليمه
" لمزيد من المعلومات عن الحادثه معانا المراسل " فوتو البم
عاد هاي مراسل غير اللي يبي يروح يراسله ويشوف باقي الصور
.
و هذي الصوره مالها مناسبه ^^" بس ايام الامتحانات كنت اخلص من وهل
فـ اروح بيت يدتي عند عيال عمي الصغار وجيه .. اقعد لي نص ساعه وارجع البيت
ولا يوم من الايام خلودي ماخذ غتره جدي ولابسها بلفيت يكشخ فيها
قلت له يالله ما عندنا شغل خلنا نصورك
اشكر فنك ياراعي النص كوبرا انته
هههههه يحليله والله يموتني من الضحك ^^" وايد يعني متفائل بالحياه<شدخل
ايه يعني مب مثل باقي اليهال .. اذا اندبغ على راسه ما يصيح يضحك << مينون على غفله
لا يعني تحسونه بشووش وقريب من القلب .. اي واحد يجوفه يضحك في ويهه
المهمـ نكمل السالفه .. عاد بعدين طلعنا انا والوالد من بيت يدتي
ولا واحنا فـ الدرب نجوف كروه ( تاكسي ) عجيبه غريبه
كأنها مالت لندن .. عاد ابوي يقولي جوف هالكروه .. كانت واقفه واحنا نمشي
وعقب قلت له هذي ليش جيه كأنها تكاسي لندن
و عاد مشينا شوي ولا اقول له يبا ارجع شوي خلني اصورها حق السبيس
جفتوا شلون افكر فيكم فـ كل مكان
 ورجعنا ولا نجوفها راحت من الحظ النحس .. عاد بعدين صدناها
و ابوي دق لها اشاره ووقف راعي الكروه
عاد انا اقوله اسكيوز مي كان اي تيك فوتو ؟
يعني لو سمحت ممكن اصور ؟ << للي ما يعرف انجليزي
عاد هو طلع قطري بس انا اكلمه بالانجليزي الحمد لله والشكر
كلش حس الملامح ما عندي ياه .. المهم يبت لكم صورتين
ماقدرت اصور اكثر لاني كنت قاعد فـ السياره
وبذلك نكون خلصنا << لا شفيكم مستعيلين ما خلص البلوق
قصدي خلصنا السالفه
.
يوم من الايام العفوكيه الممله .. و بما ان مافي شي عـ التي في
رحت تحت ابي اقعد على النت ولا اجوف اختي قاعده
المهم قعدت املغ عليها شوي واهذر
و رحت الا اجوف عـ الطاوله شيسمونه .. سوار و ريشه
قمت لخبطت فيهم وطلع عندي عمل فني << خف علينا
لايعني سويتهم وصورتهم خرابيط اي شي
ما كان قصدي اني احطهم فـ البلوق بس قلت يالله شوراي
.
و اخيرا وليس آخر باركولي يا جماعه
واخيرا وبعد طول انتظار غيرت جوالي
كح كح ! تدرون جوالي القديم تم عندي سنه ونص
اكثر مده تم عندي جوال فـ حياتي ^^" هع هع
هذا هو القديم
الله عليه والله ما يهون علي اتركه جذيه
تصدقون خليته عندي ما بعته والله ماقدر
ذكريات شكثر مع هالجوال .. والله لو تشوفونه
مشدخ ومشمخ و مطلع مصارينه انا
تصدقون مره يوم كنت مسافر وديته معاي الشلالات من ذكائي الخارق
وعاد قمت بدلت وشورتي ماكانت فيه مخبا الا ورا
عاد كنت ماسك هـ الشورت و فوطه ومادري ايش وماشي
ولا زلقت وطحت فـ الماي .. طار قلبي على جوالي لا يطيح
وتصدقون جيه لا شعوريا اول ما طحت رفعت الشورت فما صاده شي
لكن لسوء الحظ كنت رافعه بالصوب المعكوس .. يعني المخبا على تحت
وبق .. طاح الجوال فـ الشلال .. سيده غليت كل اللي فيدي وطلعته
والله تصدقون عاش .. بطل والله ماخترب هههه ولو انه خرف شوي
و هذا جوالي اليديد توه بقراطيسه وكتلوجه << شدخل
اشكر فنه والله
واحد الله يستر عليه مسوي لي مفجأه وماخذه لي
ولا انا من وين لي 3000 اخذ هـ الجوال ^^" هههه كلش عـ الحديده هـ الايام
ذكرتوني والله يبيلي ادخر لي جمن فلس الحين بيخلص اشتراك الشوتايم
.
المهمـ الحين خلصنا من الصور نبتدي بالقصايد
مادري شفيني هـ الايام وايد اكتب شعر .. يعني قبل بايالله مره كل شهرين
بس الحين مادري احس اني صرت مهتم فيه اكثر .. وقمت اتعمق فيه
يعني اقرا لشعراء معروفين ودوواين وهالخرابيط
" القصيده الاولى بعنوان " مدري كيف رخيص الثمن قلبي انا غلاه
و كتبتها بتاريخ 27 - 5 - 2006
الساعه 4 العصر .. اول مره اكتب الظهر جيه
و استغرقت مني حوالي ساعه ونص
اخليكم معاها
::
سلبت حبل الوريد وربطت به لساني :: واقسمت على روحي ، والله لاتجاهله وانساه
معقوله ! هذا الحب ؟ مابين بنيان(ن) وهدماني :: ابني صروح الحب وخلي متربع(ن) باعلاه ويامر جنود الصد بنسف كامل لبنياني :: ويقاوم قلبي الصابر وعزه النفس تنهاه واليوم ودعت جرحه وبنيت للعزه مواني :: وابحرت عالي الهامه وودعت بالجفا ميناه ولمحت طيفه وذكرت ماضي حرماني :: وبدت نفسي توسوس .. من عافنا عفناه ورسيت بدكان الغلا وبعته بارخص الاثماني :: مدري كيف رخيص الثمن قلبي انا غَلاه اول .. كان بحقوق وصلي يتحداني :: واليوم بحق العزة انا والله لاتحداه يحسب دمعتين بتشفع ماضي الاحزاني :: يحسب اني بكلمتين بانسى كل ماسواه نسى كم كنت صايب وكم مره خَطٌاني :: ونسى قلبه القاسي وقلبي اللي خَطٌاه ونسى طول الليالي وقلبه اللي جفاني :: وانا حتى دمعي ما قوى يوم يجفاه انا عالي المستوى ! كيف هذا خلاني ؟! :: ورجع بعد مده .. يقيس بقلبي مستواه يحسب اني للحين هذاك الاولاني :: هذاك اللي اسمه بوسط العين يقراه مادرى اني غيرت لغلاه عنواني :: وصار بادنى القلب بعد ما كان باعلاه كرهته ! والله كرهته كره صبياني :: ومات حبه بقلبي .. واحسن الله عزاه عسى الله يحرمه من شوف الاعياني :: وعسى عينه تذوق المراره ببلواه وعسى رجله تشل ويشقى مثل ما اشقاني :: وعساه يعيش نادم ليش غير ممشاه وعسى رجله تسوقه لكل مر(ن) ونكراني :: لينه يندم ويتحسر ليه غير مسراه وعساه ينوح ويرتجي : خلاص دمعي عماني :: وعساه يدور راحه لجفنه ولا يلقاه وعسى روحه تشهق شهيق الحصاني :: ويموت وابشر القلب : كفنه الاسود غطاه خلاص انا رميته قبل ماهو رماني :: واقسمت على روحي ، والله لاتجاهله وانساه ::
و سلامتكمـ
ها شرايكم ؟ عجيبه صح ؟ ادري << من مدح نفسه يبيله بوسه
احم احم ^^" ما علينا
و القصيده الثانيه الله يسلمكم
" اسمها " كل عام ولامرك الروح خضاعه
كتبتها بتاريخ 14 - 6 - 2006
الساعه 4 ونص الفجر .. و خذت مني ساعه يمكن
وهذي سالفتها ان واحد من الربع عيد ميلاده كان قريب
وانا ما قدرت احضر لاني سافرت وجيه
وحتى لو ما سافرت ماكنت بروح .. مادري ليش بس مابي
المهمـ اخليكم مع القصيده
::
سلامي لهل الجود اصحاب المعالي :: بغيت اشري من لحظتك ساعه
عام(ن) مضى على قلبي الخالي :: يرجيك ترحمه وتعدل اوضاعه على شاطي المحبه فاضت رمالي :: واثقة الخسارة وبالفوز طماعه كل عــام وقــربك اول آمـــالــي :: وكل عام ولامرك الروح خضاعه وكــل عـام وحبك اول وتـالي :: وكل عام ولكــم السمــع والطـاعـه الا يا وقت خلني تركني لحالي :: وامنع يوم الوفا لا ينهي اجتماعه زف لي أخبار أغلى الغوالي :: وبـلغـه ما نـسـيته لا يـشـد بمتــاعه قله يطوفـه ما خلتلي مجالي :: ساكــنه بــالعــين للــرمــش قـطاعه قلـه سيوفه قطعتـلي حبـالي :: وجــرى دمــي بـمجــرى وداعــه قله ما نسيته لو زاد انشغالي :: لو قويت الجفا قلبي ماستطاعه راعي الكرم ماهو بزود الاموالي :: زايد(ن) بالخدع ما ينزع قناعه راعي الكرم من يضرب به امثالي :: صاحبي ذراعـي هـو ذراعه يا شمعه اعوامي منيـه خــيالي :: اضـوي الشمـع وهــج شعاعه ابهديك عمري وفكري وبالي :: وابشر بالذي يسرك سماعه انا مانــويت ابــحـر لــيالــي :: اجبــرني العـاذل وانصـب شراعه اللـه يخلـيك لا تقطـع وصـالي :: يـامن كـفوفك للـخد نــزاعه راجـع انا راجـع تحت الظلالـي :: راجـعلك القلب وليـد الرضاعـه ::
وسلامتكم
ها شرايكم ؟
انجين الحين قولوا لي اي احلى هذي ولا اللي قبلها ؟
.
وفي الختام ^^" هههه والله مابي اسكر البلوق خاطري اتم اسولف << هذار
عاد يالله بعد معليه استحملوا غيابي << مصدق نفسه
و ان شالله راجع لكم بالبلوق القادم مع صور من دبي وخرابيط زياده من عندي
يالله عيل ماوصيكم بالكومنتس .. وايه التصويت بعد ^^"
ترى كل يوم تقدرون تصوتون مره .. يعني هالله هالله كل ما تدخلون
اضغطوا على لنك التصويت ماوصيكم .. ولا ترى باسكر السبيس << سكره واحنا شعلينا
المووهيمـز .. الحين باختم البلوق ^_^
على امل اللقاء فيكم فـ البلوق القادم بعد عشرطعشريشن سنه
سلامـانيا << الماني هع هع
.
Bye
. 5月25日 ჯ روح خله ينفعك هذاك اللي خذاك ჯ.
Hi
.
السلام عليكمـ جميعا
اخباركم يا شعب السبيسات ؟ شمسويين شمامسويين ؟
اول شي قبل لا ابتدي البلوق اعتذر لكم اني ما حطيت لكم بلوق من مده طويله ^^"
والسبب .. خخ مافي سبب بس لان افكاري خلصت كلش
ايه وبعد مرضت هـ اليومين >-< مادري شفيني وايد امرض صاير
درجة حرارتي 38.7 وفيني احتقان شديد على قوله الدكتور
المهمـ ما علينا مني .. اكبر وانسى << شدخل
اليوم يبت لكم بلوق حق رحلتي الريانية الفلاويه
مثل ما تعرفون .. او يمكن ما تعرفون .. قبل كم اسبوع
كانت المبارة النهائية لكأس سمو الامير
الشيخ حمد بن خليفه آل ثاني .. الله يحفظة يارب
بين نادي الغرافة و نادي الريان
و عاد انا مب راعي مباريات وجيه بس لاني رياني وهـ المباراه مهمه فـ لازم اروحها
سويت الترتيبات واتصلت في الربع وجيه .. ولا ياني رفيجي بالعراوي الاخضر هههه
فله والله .. هو مسكين متفشل من البيكم بس انا اقول له والله عادي مافيها شي وين رايحين احنا ^^"
المهمـ وتغلغصنا فـ العراوي الاخضر وانطلقنا لنادي الغرافة
وبدت المباراه واحنا ساعة نلف وندور نبي 3 كراسي جنب بعض
المهم .. اخر شي لقينا صوب مرمى الغرافة وقعدنا انا وربعي
طبعا انا يايب العده .. حب وكوافي وعصاير .. إلخ قعدنا نزط ونشوف المباراه
و يوم سجلوا اول جوول انا تشققت وقمت اصارخ واناقز ومادري شاسوي
والربع قاعدين ولا كأنه شي صاير ^^" هم سداويه
المهمـ .. الحين خلص الشوط الاول 1 - 0 الريان
ولا رفيجي راعي العراوي يقول لي تعالوا وياي في ناس اعرفهم حاجزين لنا 3 كراسي نقعد عندهم
المهم .. وانا رحت .. ورابط على رقبتي شعار الريان
ونروح ونروح .. شوي شوي لين ما وصلنا آخر جمهور الريان .. وندخل وسط جمهور الغرافه
قمت وفصخت اللي على رقبتي وحطيته فـ مخباي من الخوف ههه بيسطروني
وقعدنا .. ولا اقول حق رفيجي .. وين يايبنا انت ؟ قال لي ايه نسيت انك رياني هههههه
المهم وقعدت طول المباراه عـ الصامت ما اتحرك ولا اسوي شي
لين آخر شي البلنتيات .. يوم فزنا اخر شي .. ما صدقت
قمت اناقز واصارخ وسط جمهور الغرافة مب مصدق انا فزنا
ولا ربعي يلفون علي .. هيييه عفووف لا تنسى نفسك
ولا اوقف شوي كل جمهور الغرافه يطالعوني بغضب وحقد ههههه شسويت انا وويهي
قمت وشلت قشي وانحشت انا وربعي .. وطلعنا برا وانا مستانس واصارخ واناقز
ولا شوي نسيت شي >_< جوالي عندي 24 ساعة ولا صورت شي من المباراه ! تصدقون نسيت
اول مره انسى اصور ههه عاد شاللي ذكرني بالتصوير .. الجراخيات .. قمت وطلعت جوالي وصورت لكم كم صوره
هاي الجراخيات .. والزحمه اول ما طلعنا بس وناسه كلهم ريانية ههه
عااااااش رياني والله
الهدوء والسكينة اول ما طلعنا خخ نسيت اصور لكم التجهيزات
اللي يجهز سيارته واللي واللي .. إلخ
خخ هاي البيضا سياره غرفاويه والسوده ريانيه
وطايحين سب فـ بعض
المهمـ وصلت البيت و قعدت عـ النت اكيد
فديت الاحمر بس
ايه واعذروني على ردائة التصوير >_< جوالي ما يصور فـ اللقطات السريعه
يعني السيارت بسرعه تتحرك وكان ظلام وجيه فـ ماقدرت اوضحها لكم
المهمـ .. خلونا من سالفه الريان .. ندخل فـ موضوع ثاني
الله يسلمكم يوم من الايام .. و طبعا بما اني انسان اعشق شي اسمه النوم خخ
لا مب جيه .. انا متعود دايما ارجع من الدوام الساعه 3 وارقد لين الله يجوف لي
غالبا لين 8 ولا 9 الليل .. ادري وايد بس شاسوي تعودت
فـ يوم من الايام ابوي قال لي ارقد تحت عشان تقوم من وهل وانا وافقت
رحت فـ الغرفه اللي تحت ورقدت ولا ما وعيت ابوي قاعد يصارخ علي يالله قووم بسك رقاد
توها الساعه 5 ماصارت لي ساعه ! وتقوم الهوشه
ابوي يسحبني من ريولي ويدي وكل مكان وانا متعلبش فـ السرير مابي اقوم
هههههه فصخت السرير والله
مخدات وفوط وكل شي .. ابوي يحذف علي وانا ارد له الصاع صاعين
مظهر ثاني من المأساه
المهمـ .. وانتهى الفلم بفوزي على ابوي خخ طفشته لين ما راح عني
ورقدت لي يمكن نص ساعه ولا شي جيه .. عقب قعدت من الرقاد وكل نشاط وحيويه
هممـ بعد شعندي لكمـ خلوني اتذكر .. ايه صج ! كتبت قصيده من كم يومـ
ونشرتها فـ كذا منتدى وتثبتت ^_^ افف والله فرحوني الله يفرحهم دنيا واخره
والاهم اني يوم سويت بحث فـ جوجل طلعت لي القصيده وااو في منتديات ناقلينها
حد يصدق ؟ ناقلين شغلي ؟! ناقلين كتاباتي اللي عيبتهم والله فخر
وبعد طرشتها حق ملحق قوافي اللي يجي مع الرايه
المهمـ اخليكمـ مع القصيده .. المؤثرة من هاارت
الا يا نفس يكفي عذاب يكفي خضوع :: ارفعي يا نفس راسك واجفي من جفاك
الا يا قلب خلك مكانك وانسى الرجوع :: انساه يا قلب واسكب ماضيه من دماك هلت دموعي وصارت بالحشا ينبوع :: تسقي الضميان اللي نسى لوعه شقاك خلاص يا بحري اغرقت العين بالدموع :: ما عاش يا جفني منهو بيوم بكاك هذي جوارحي انا عانت بوسط الضلوع :: وما سرت الا بدرب الشقى والهلاك ابكي وانوح من اصحاب(ن) لي ربوع :: ومحد(ن) سمع ياعين سوى ربك في سماك شفتي وشلون ؟ هذا جزى اللي يطوع :: مرخصه نفسك تحسبين دمعك شفاك كفايه يا دمع لا تصير بالعين طموع :: خذت حقك واكثر جفني من حقك عطاك طفيت اماني الامل طفيت كل الشموع :: وصرت تجول بالعين من فجرك لي عشاك اشكي واحكي بعالي الصوت مسموع :: روح يا خاين العشره روح الله معاك يا عسى وقتك مع غيري يلوع :: روح خله ينفعك هذاك اللي خذاك عزي نفسك يا نفس وخلي يوفك مرفوع :: وانسي هذاك اللي قدر بيوم ينساك وسلامتكمـ .. ها شرايكمـ ؟ انفع شاعر ولا لا
المهمـ .. بهذا اكون خلصت البلوق وختمته
بيه لا لحظة ذكرتوني بلغز الاسبوع اللي فات ! هاي اللي حطيته لكم
وللأسف محد فيكم يابها صح ^^
الاجابة الصحيحه هي :
خخ الله يكرمكمـ .. زبالتي
ادري شكلها غريب عشان جيه خطر على بالي اصورها لكمـ بس يبتها بطريقه فنانه << واثق
المهمـ .. صراحه ماعندي شي لكم .. وسوري عـ البلوق الخربطيشن .. مب فـ الموود الحين
يو نو .. المرض والحالات الزفته والحره والـ .. إلخ
بس قبل لا اختم لكم البلوق لي دعوه لـ كلي دلع ^^" ابي اسألها ليش سكرت سبيسها ؟
او سوته برايفت .. الحين محد يقدر يشوفه .. شالسالفه ؟
يالله .. هاي اللي عندي واتمنى اكون رفهت عنكم ولو شوي
وبغيت اقول لكم يمكن ما تشوفون شي مني لان هـ الفتره عندنا امتحانات الله يعيني
مريض وامتحانات ماقدر استحمل .. فـ لا تتوقعون بلوق لين 3 اسابيع
يالله عيل اخليكم ^_^ .. وهالله هالله بالكومنتز ماوصيكمـ
سلامـز
.
Bey
. 5月8日 ჯ نفسي ع ـزيزة ჯ
.
.
اخباركمـ شباب & بنات ؟ علومكمـ ؟ شمسويين مع الدنيا ؟
.
انا زعلان عليكمـ واايد واااايد .. شدعوه عاد انا الحين مستانس سبيسي انشهر << صدق نفسه ما يسوى علينا عداد الزوار فوق الالف تقومـ الكومنتات تقل ! محد يحط لي كومنتس >_< بس تقرون وتطنشون زعلتوني صج ترى .. مب كافي الزعل اللي انا زاعله الحين ؟
.
المهمـ .. يالله شكثر اشياء صارت من يومـ بلوقي اللي فات هههه وشكثر ناس محترين مني ومنبطه جبدهمـ علي .. بس يقولون الحقران يقطع المصران يعلها القطع قولوا آمين .. واللي يحط راسه براسي يعرف شبيجيه .. طبعا ما يتشرفون هالناس اذكر اسامي هـ الاشكال فـ بلوقاتي مابي الوثهمـ ما عليكمـ منهمـ .. الله يكافيكمـ شرهمـ قولوا امين المهمـ .. الحين شاقول لكمـ .. حياكمـ فـ البلوق خخ
.
اليوم يبت لكمـ بلوق خفيف وبسيط وجميل ورقيق وناعمـ << يسوي دعايه لا والله بلوق خفيف شوي مب مثل باقي بلوقاتي لوول .. مادري شلون بس انا احسه خفيف
.
جبت لكمـ خزانتي المصغره ههههه .. عاد شنو هاي الحين بتعرفون الله يسلمكمـ انا شنو غرامي فـ هـ الدنيا ؟ من حبيبي الوحيد .. من حبيبي انا رد علي وقوول هههه حبيبي الله يسلمكمـ هو درجي من درجي ؟ درجي الله يسلمكم يتواجد تحت سريري وساعات يتكاثر بشكل غير طبيعي .. وساعات يخف النشاط ويفضى ولما يتكاثر شيطلع ؟ .. انا اقول لكمـ .. كوااافي هههه ياناس غرامي الكافي انا .. ولا الجالكسي .. آخ منه لذييذ
.
يبت لكمـ صور درجي بو كافي .. هاي يومـ اروح الجمعيه واخمها كلها اجيب الكوافي واحطهمـ فـ هـ الدرج .. وغالبا ما ينترس ومافيه سعه فاحطه فـ درج المطبخ خخ .. بس هاي يعني الكوافي الفله اللي احبها كلها هناك .. : نبتدي
هذا المظهر الخارجي قبل الدخول فـ الرحله خخخ هاي ليز طبعا .. احطه فـ المطبخ مافيه سعه عندي .. و الثاني ـبسchبطاطس عمان يالله عليه رهييب هـ الـ طبعا ما يكفي الدرج فخليت كمـ شي برا .. ايه وفيه اشيا بعد تحت ليز ما تبين خخ مادري وشو والله نسيت .. المهمـ نكمل
كوافيي .. اووف زحمه من قلب .. اول شي من اليمين فوق .. كافي بو معصاره ههههه مال اول ادري .. بس والله عجيب .. خلص الحين عاد تحته جالكسي يديد .. ما عيبني صراحه .. وتوكس اكيد .. وبعد فيه جالكسي جنب بو معصاره وفلوتس بعد جالكسي .. والكرامل جالكسي اكيد .. وبطاطس عمان وفلاكي .. وفيه هاي البسكوت بو اعواد مادري شيسمونه بس لذييذ وفيه اشيا وااايد تحت ههههه عاد اذا عددتهمـ مب خالص
نعطيكمـ هـ المنظر من جهه ثانيه تعالوا صج بغيت انسى المالتيزرز << مادري شسمه بس انا اسميه كذا هذا الجالكسي الدواوير .. لذيييذ يا عالمـ لذييييييذ ايه وشوفوا بو معصاره مب فيه تحته بسكوت .. هاي اهو .. يدووخ بلد خلصته الحين بعد خخ
.
خلصنا من كوافيي .. اووف خاطري فـ واحد الحين .. خلوني اكمل البلوق وباروح اكل ههه تبون اي شي ترا والله ما يغلى عليكمـ درجي كله يفداكمـ .. بس اهمـ شي الكومنتس<< اقول انا مب لويه الله
المهمـ رحلتنا القادمه راح تكون لـ المكتب مالي تتذكرون التركيب اللي راويتكمـ ياه قبل كمـ شهر .. فـ بلوق خرابيطي ؟ اييه الله يسلمكمـ هاي خلصته من زماااااان .. شهر فبراير مادري مارس وحبيت اصور لكمـ ياه بعد انتهاء العمل
هههه لاحظوا الحصان الثاني عـ اليمين صوب رجله فيه حبه ضايعه ! مالت على الحظ .. من 1000 حبه فيه حبه ضايعه والله قهر ايه وهاي انا شريته على اساس اني بخلصه وباروح ابروزه واعلقه فله يولع فـ الظلامـ بعد هههه عاد لين الحين فـ مكانه ولا حركته ولا سانتي خخ
.
خلصنا من التركيب .. دور النظاره ههه هالنظاره الزقرت .. والله تركب علي من قلب
هاي الله يسلمكمـ بقول لكمـ سالفه عليها كنت باروح الستي هـ الخميس .. والله مادري هذي والا اللي قبله عاد مسوي ترمبا ولابس النظاره ورحت حق اختي الكبيره المكتب الا اقول لها شرايج فـ الكشخه .. قامت تضحك اقول لها شفيج .. سكتت .. عاد قلت لها الحين لو كنتي فـ الستي وشفتيني بتقولين حق ربعج هاي اخوي ولا لا ؟ الا تقول لي لا .. قلت لها افااا ليش ؟ تقول لي شكلك صايع خخ . .قلت لها عادي البنات يحبون الصياعه هـ الايامـ لوول لا يروح بالكمـ بعيد .. انا ويين وهـ السوالف وين ههه الله يحفظ بناتنا وشبابنا قولوا امين
.
ايه وعلى طاري هـ السالفه ذكرتوني .. اسمحولي والله طولت عليكمـ وهاي كله واقول بلوق خفيف خخ الله يسلمكمـ كنت يوم من الايام ماشي فـ الستي تعرفون دري كارفور الطوييل .. ايه كنت نازل منه انا ولا في واحد جدامي .. وفيه خدامتين جدامه ووحده قطريه جدامهمـ بس كان زحمه يعني قراب من بعض .. هو والقطريه عاد هو يقول لها .. شدعوه يالحلوه عطينا ويه انا بصراحه ساكت ماعرف شاقول .. ولا هي تقومـ القطريه وتلف صوبه يقول لها .. خمسه اربعه وكمل رقمه عاد انا اقول الحين هذي شكلها مؤدبه وبنت حلال طلعت ؟؟؟ الله يكافيكمـ شرهمـ تقوم وتطلع جوالها .. وتقول له كمـ مره ثانيه ويقوم يعيد الرقمـ بل ! اشهالوقاحه ؟! لهادرجة وصل مستوانا يعني؟ وتقوم تكتب الرقمـ فـ جوالها وتقول له جذي صح يقول لها اي .. وبس عقب نزلنا من الدري وكل واحد راح فـ طريج الله يهديهمـ بس
.
لغز الاسبوع .. خخخ هاي فقره يديده داشه عرض الله يسلمكمـ قاعد افتش ذاك اليومـ فـ بيتنا وشفت شي حلو صورته لكمـ يالله اللي يقول لي هـ الشي شنهو بادخل سبيسه وبحط له كومنتات على كل بلوقاته
عندكمـ مهله تتوقعون لين بلوقي القادمـ والمتوقع يكون بعد مده طوييله من هـ البلوق .. خلصت افكاري هههه
.
المهمـ هذي اخر فقره معليه استحملوني شوي قريت ابيات اليومـ .. يالله شنو عيبتني بدرجه ! فوق الخيال واهديها حق شخصين عارفين نفسهمـ عدل لا مب عارفين نفسهمـ بس انا اعرفهمـ .. الله يـ ..... يهديهمـ
تقول لكمـ الابيات
نفسي عزيزة من جفاني جفيته :: حتى ولو يصعب على القلب فرقاه
وسلامتكمـ ها شرايكمـ فيها .. بذمتكمـ مب شي ؟ فله صح
.
يالله وبذلك اكون خلصت البلوق بعد طلعه روح .. وللحين ما سويت شي اليوم ههه توني قاعد من الرقاد طلعت مع ابوي شوي فصلت لي ثياب ورحنا خذنا عصير من الخيامـ ورجعنا البيت وسيده جيت لكمـ اكتب لكمـ البلوق .. والحين باروح اشوف تي في واكيد الكوافي ههه يالله عيل ناطر الكومنتس يا احلى كومنتز منكمـ
.
.
4月27日 ₪ سوالفـ شاليهات ₪.
.
Welcome
.
.
يا مرحبا ويا مسهلا .. هلا والله بزوار سبيسي منورين كـ العاده
اخباركمـ ؟ علومكمـ ؟
شمسويين مع الدنيا ؟
اي والله انا الاسبوع اللي فات تغيرات جذريه من قلب صارت فـ حياتي
بس خلونا عن الهمـ والغمـ .. يبت لكمـ اليوم بلوق فله
بس قبل .. ابي اجوف رايكمـ فـ تصميم سبيسي اليديد .. شلون اوكي ؟
ولا اللي قبل احلى ؟
والشي الثاني بغيت اقول لكمـ بعد ضفت لست يديد .. اغنيتي هـ الاسبوع
كل خميس بحط لكمـ اغنيه تولعت فيها هـ الاسبوع
المهمـ خلونا نبتدي البلوق << واحنا من مساعه شنسوي ؟
يوم الخميس الله يسلمكمـ رحت الشاليهات مع الاهل
فـ ام صلال محمد .. وناسه هناك والله
صج من زمان ما رحت وجيه .. وبصراحه هاي اول مره اروح وعندي همومـ
يعني قبل كنت عادي اروح واجي ولا افكر فـ المواضيع هذي
اما الحين تغير كل شي .. المهمـ طلعنا من البيت ورحنا هناك
ومرينا باسكن روبنز طخيت لي اسكريمـ بو 3 كور
عور بلاعيمي والله لوول .. عقب كملنا دربنا لين ما وصلنا
يوم وصلنا .. هممـ شسوينا والله نسيت
المهمـ الزبده المختصره من هاي كله .. البحر
آآه يالبحر والله توني احس فيه
مادري شلون له شي يجذب الواحد .. غير غيير يا عالمـ
تصدقون كنت اقعد بالساعات جدامـ البحر .. بس افكر فـ الدنيا
وفـ همومي .. ووو .. إلخ
ههههه شكلي رقدتكمـ .. والله شاسوي توني قاعد من الرقاد ومالي نفس اسوي شي
عشان جيه اسلوبي متغير لوول .. خلوني احاول ارجعه لكمـ .. ولا اقول لكمـ
خلكمـ جيه .. جوفوا وجهي الثاني .. وجه الحزن والكآبه .. بمللكمـ ترى
ايه كل الناس يقولون لي اسمـ سبيسك حزين واسلوبك كله مستانس وجيه
عاد الحين براويكمـ الحزن اللي صايدني .. والله صج هالدنيا مالها امان
انتوا بس لو تعرفون شاللي يفتر بـ راسي بيشيب شعر راسكمـ
حياتي اللي راحت .. وقبل .. والحين .. وليش ؟ .. وشلون تجرأت
وو وايد اشياء .. خلونا ساكتين يا ناس مابي اتذكر الماضي
ولو اني كل يوم افكر فيه .. صج لي قال الماجد
ودي ابكي لين ما يبقى دموع :: ودي اشكي لين ما يبقى كلام
من جروح صارت بقلبي تلوع :: ومن هموم حرمت عيني المنام
المهمـ خلونا من سوالف الحزن والكآبه .. وخلوني اراويكمـ الصور اللي خذتها هناك
يالله شكثر صور ههه امشي واصور امشي واصور .. حاولت يعني اختار لكمـ كل المواقع
يعني عشان يكون عندكمـ احساس باللي حسيته .. بس ادري ما يصير
لازم انتوا بنفسكمـ تروحون وتشوفون .. ايه والشي الثاني ما قدرت اصور فـ الليل
خبركمـ اصور بكاميرا جوالي الكجره .. بس انشالله عما قريب اخذ لي كيمرا مثل العالمـ
(1)
هذي الله يسلمكمـ بنت خالي الصغيرة
عمرها سنتين تقريبا الله يحفظها .. ههه عاد كل ما اقرب صوبها تصيح
مادري ليش تخاف مني الظاهر .. وشفتها تقرا المجله قلت خلني اصورها
تتثقف لوول .. شكلها بتطلع عالمه .. بس الحمد لله عـ اخر يوم بدت تحبني
هههه زين والله .. سوت لنا اكشن فـ الشاليه
( 2 )
هاي الجراخي سالفته سالفه لوول
خالي يايب شكثر جراخيات وياه .. يعني كلهمـ بو اصوات يبطون الاذن
عاد هاذي قاعدين يشوفونه ويحاولون شلون يولعونه بس مافي فايده
همـ عبالهمـ شي كبير انه وجيه .. ويروح خالي ويولعه
واول ما ولعه طلع الشرار شرد خالي تصرقع لوول وتمـ جذيه بس
تدرون شطلع ؟ طلع هاي اللي يحطونه عـ الكيك في حفلات اعياد الميلاد هههه
وعلى كل هـ الخوف
عقب ولعنا 4 مع بعض
( 3 )
هاي الله يسلمكمـ اول ما وصلنا الرمل كان املس وسييده
عاد مادري من داس عليه وصار جذيه كأنه زجاج متكسر
عيبني المنظر .. قمت وصورته لكمـ
( 4 )
نجمـ الحفل لوول .. عنكبوت لقيناه على الكرسي الكبير
وقمنا نقلبه ومادري شنسوي .. اشكبره
عاد اخر شي ذبحناه وشلناه بـ الفاين وخذنا الفاين وحرقناه
وصورته لكمـ
( 5 )
هذي بنت خالتي الصغيره
عمرها يمكن 3 سنين ولا شي جيه
جفتها من بعيد قاعده عـ السيف مسكينه ما تقدر تدخل البحر تخاف
واليهال كلهمـ داخل يتسبحون .. قمت وقلت لها قعدي جذيه وبصورج
وساعه قاعد افهمها شلون تقعد لوول يحليها الله يحفظها
( 6 )
هاللعبه امي لقتها فـ اخر يوم كانت طايحه صوب ملعب الطائره
قمت وخذتها وحذفتها جنب السيف وصورت لها كمـ صوره
الحين حذفتها داخل البحر ورحت صورتها .. زين ما طاح جوالي واخترب
وهذي يوم راحت بعيد
( 7 )
عافك الخاطر .. كالعاده
لا تخلو اي رحله من هـ الجمله اللي ارددها صبح وليل ونهار وبكل وقت افكر فيها
( 8 )
هاي القارب الكجره لوول .. احاول اخليه يبين انه حزين وجيه
ما يصير .. مادري ليش مب راكب عليه الحزن لوول
( 9 )
منظر من البحر .. هاي اول ما وصلنا مسكت الكاميرا وصورت لكمـ كم صوره للبحر
( 10 )
اوو هالكراسي سالفتهمـ سالفه
صج انهمـ كجره يعني النوع قصدي
بس صورهمـ وايد عيبتني مادري ليش
فيها شي غريب
( 11 )
وهني تنتهي رحلتنا يوم السبت الساعة حوالي 10
كنا راجعين انا وولد خالتي .. عاد انا حاط المسجل فـ اذني واسمع اغاني
وهو مسكين يسوق لوول حرامـ والله ما قعدت اسولف وياه
عاد والله سمعت اغنيه تعودنا وهالمنظر هاي اللي مصوره لكمـ
تخيلوا شلون تحسون .. والله شي غريب صج حسيت ان الاحزان خلاص توب عندي
و هاي الصور اللي عندي لكمـ كنت بحطهمـ كلهمـ وبقول سالفه كل قصه بس ما عندي وقت
بروح السينما الحين لول .. فـ اللي يبي يجوف باقي الصور ما عليه الا يروح الفوتو البمـ مالي
بتلقون هناك كل شي موجود
المهمـ الحين .. خلونا من سوالف الحزن والكآبه ادري مللتكمـ وياي بس عشان تعرفون شوي
اقول لكمـ في جراخي يتولع مثل الجبريت .. وتحذفونه عقب تقريبا 10 ثواني ينفجر يطلع صوت عالي
يبط الراس .. عاد ولد خالتي كان يتسبح .. وحمامنا احنا فيه فتحات من تحت فـ الباب
قمت وانا وخالي الشريين مسكنا الجراخي ورحنا ولعنا وحده وغليناها داخل الحمام عنده
وطرطاااااااخ هههههههه صوت عالي .. متنا من الضحك عليه
وعاد هو خلص ويا دوري .. دخلت وانا اتسبح كنت حااس انهمـ بيحذفون علي وحده
وظني ما خاب لوول .. خالي حذف علي وحده .. زين ما انبطت اذني
ولا الريحه رحيه الدخان الله لا يوريكمـ
وعاد يوم انا خلصت خالي دخل رحت ابي اولع له وحده طلع خاش الجراخي
هههه طلع ذكي مب مثلنا
وو بعد شصار لي هناك
ايه دخلنا البحر انا وولد خالتي يومـ الجمعه كأنه
بس مب شي البحر كلش مب غزير .. تصدقون وصلنا صوب هاي الكور البرتقاليه اللي يحطونها
والماي للحين لين ركبنا .. وبااارد ثلجت انا هناك
عاد يوم السبت خوالي دخلوا البحر انا ما دخلت وياهمـ كنت تعبان
و بعد شصار شصار
بس هاي اللي صار لي .. معظمـ وقتي فـ الشاليه عـ البحر
قاعد واتفرج عـ الموج .. وافكر
ايه ذكرتوني ! يوم السبت يوم كنت قاعد عـ البحر
عمتي ياتني .. وقالت لي عفووف ليش قاعد عـ البحر
ما يقعد على البحر الا العشاق .. انت عاشق .. عادي قول انا عمتك سترك وغطاك
ههههه قلت لها اي عاشق .. ولا تقول لي من هذي اللي تحبها
قلت لها امي لوول .. بس عقب قمت تعكر مزاجي صراحه
احب اقعد عـ البحر بروحي .. محد معاي يشاركني الهمـ
والله الناس يقولون ان البحر يشيل همومـ انا اجوفه غرق يوم درى بهمومي
ما عليكمـ مني .. الحين خلصت البلوق .. وترى تعبت عليه وايد ههه صج انه بسرعه بسرعه كتبته
بس يالله معليه .. هالله هالله بالكومنتز عاد ماوصيكمـ .. مابي بس 4 مثل بلوقي اللي فات اوكي ؟
يالله شجعوني عندي لكمـ كم صوره بعد ومغامرات ثانيه بقولها لكمـ
بس عاد اذا لقيت اقبال لوول .. << طرار ويتشرط
تعالوا ما قلتوا لي شرايكمـ في الثيمـ اليديد لسبيسي خخخ احسن من اول صح ؟
يالله عيل ناطركمـ
.
.
Bye
.
. 4月19日 ჯ 1000 ჯ.
.
 .
.
هلا وغلا والله بزوار سبيسي والله منوريين كالعاده
شخباركمـ؟ شمسويين ؟
 عساكمـ طيبين ؟ اليوم عندي لكمـ حته خبر .. انما اييهيقول لكمـ يوم من الايام .. الا وهو اليوم خخخ
دخلت سبيسي .. وانا راجع من المدرسه ومالي خلق كلش
 وعلي مليون الف مشروع وبحث وامتحان باجرودخلت .. وقريت الكومنز ورديت عليهمـ في بلوقي اللي فات
وعقب قلت يالله دامي خلصت شغلي خلني اطلع
ولا شوي وانا اودي الماوس صوب الـ × اجوف عداد الزوار
  يا الهيهل انا بحلمـ ام بعلمـ ؟ خخخ شفتوا من الصدمه قمت اتكلم فصحى
جفت .. جفت .. شفت .. شفت
 شفتك وشفت الشفا في شوفك الشافي تعالوا في احد سمع هـ الاغنيه رووعه مالت راشد الماجد << انزين يالله اخلصاي تعااالووا ما باركتوا لي .. طبت من المرض واخيرا بعد طول عناء وصبر وجفاء
الحمد لله .. آخ والله كله اتذكر يوم كنت طايح وتعبان .. مسكين
كنت صج في حاله يرثى لها .. المهمـ
تعالوا صج ! شي ثاني .. حد جاف الصور اليديده اللي ظفتهمـ من رحلتي الفله للشمال
تعديل - : طلع مب الشمال لوول طلع الوسيل -
رحت انا والاهل .. عاد عيزان اقول لكم سالفه كل صوره بس بقول لكم عن هـ الصورتين
هالصوره الله يسلمكم .. عمتي لاحظت علي اني مليون صوره صورت
ماسك جوالي وامشي واصور حيالله اللي يطلع وياي .. عاد قامت تقول لي شتبي فهالكثر صور متفرغ
وقلت لها حق سبيسي الكشخه وايد << واثق الاخ
المهم .. وقالت لي تعال جوف اكتشفت كهف تمساح ههههه هاي تعال صوره مب الرمل
ورحت اجوف ومتنا من الضحك ههه هي كانت تتطنز انه حجر تمساح ومتنا عليها من الضحك
وصورت الصوره .. وعقب تميت اصور باقي السوالف وتقول لي عفووف تعال جوف لقينا سمك قرش بعد
واروح .. واجوف .. هههههههه .. وصورت لكم هـ الصوره
خخخ لقينها جنب سيارتنا مبسطه الاخت .. القرشه المفترسه
وباقي الصور خرابيط انا مصورهمـ بس جيه عبط .. اللي يبي يجوفهمـ يروح الفوتو البمـ مالي
انزين الحين شالسالفه اللي كنت بقولها لكمـ اول شي نسيتوني
 ايه تذكرت ! سبيسي .. خخ مريت جنب عداد الزوار ولا شنو اللي شفته
شوفوا وياي يمكن انا ماشوف عدل ولا شي ههه
 اوو مااي قوودتعالوا خلونا نعد مع بعض .. اللي يوصل قبل يفوز
واحد اثنين عشره الف .. خخخ خلاااص خلاص وقفوا لا تعدون فزت عليكمـ ههه
حتى وانتوا غاشين وتشقحون ارقام افوز عليكمـ خخخ عشان تعرفون مره ثانيه
اذا بتعدون عدوا عدل هههه
 والله وانشهرت يا عفووفعاشوووا يالله يسااار يمييين تنكس رووووح
لالا وقفوا لا تروحون اتغشمر خخخ تعالوا
يالله بس حبيت احط لكمـ هـ البلوق الخفيف بمناسبة وصول عداد الزوار الى الالف
وفي مثل هذا اليوم من عام 2006 وصل عدادي الف .. والله فله
مبرووك لي ولسبيسي ولكمـ انتوا اكيد
يالله خلص البلوق اضغطوا اد كومنت وحطوا لي كومنت .. مابي عداد زوار يدق الالف عالفاضي بدون كومنتز
يالله اقول لكم الحين الحين روحوا .. بانطركم مب رايح مكان ههه
انزين يالله هاي اللي عندي لكمـ اليوم .. وانشالله البلوق عجبكمـ
.
.
 .
. 4月12日 ჯ i ' M sIcK ჯ .. هايووو
والله من زمان ما نزلت لكم بلووق حبايبي .. يالله من يبي ورده
 اصطفوا بالدور واحد واحد .. ما بتخلص الورده خخ
اول شي طبعا مطبعا مطبوعا احب اشكر كل الحلوين الطيبين اللي يشربون الحليب بالصحه وبالقوه
اللي صوتوا حق سبيسي
 الحين هو بالمرتبه الـ 14 وناسه والله خخخ احس اني انشهرتوخروا عني بس مشهور انا .. يالله من يبي يصير بودي قاردي ؟
لا والله صج انتوا اللي صوتوا لكم ورده وقلب
 فرحتوني الله يفرحكم انشالله .. ممنوع احد يزخ القلب هاي سبشل حق للي صوتوا
واللي يبون يزخونه بس يضغطون عـ الصوره
 انطروا لين ما تفتح الصفحه وعقب سكروها اذا تبون .. خخ بمجرد ضغطه ينحسب تصويت
وبعدين بعطيكم قلب .. وناسه عندي شكثر قلوب
الا صج .. من جاف اللعبه العجييبه اللي توها نازله ؟
Kingdom Hearts 2
عـ البلاي ستيشن 2 ؟ والله فللله
هاي اللعبه الوحيده اللي صفت لي خلصت الاول وقريبا باخلص الثاني انشالله
اهي وفاينل فانتسي وواااااوو عليهم فلله والله مادري شلون غير
تعالوا بنات لا تشردون خلاص بغير السالفه عشانكم
انزين شنسولف .. والله ما عندي سالفه خير شر
كنت بحط لكم صور من رحلتي الفله لـ الشمال مع الاهل .. وبعد مقلمتي وخرابيطي كـ العاده
بس المشكله كل شي في لابتوبي اللي فوق وهذاك يبط جبدي ابطأ من البطيء
وبعد للحين ما عدلهم بـ الفوتو .. والله تعباان ما فيني حيل كلش
تدرون مرضت
 يالله تحمدوا لي بالسلامه ترى ميييت اليوم راسيبينفجر علي والله باموت احس نفسي خلاص ميت تخدرت انفلونزا الطيور والدياي وكل شي فيني
تدرون ذاك اليوم متشقق وقاعد اسولف حق ربعي اقول لهم وناسه انا السنه ما مرضت كلش
خخ باحسد نفسي .. وصج حسدت نفسي مادري شلون امس رقدت
ولا ما وعيت اليوم قايم بلاعيمي رايحه فيها احس جهازي الهضمي متكسر << شدخله
ورحت المدرسه بالغصب وشوي شوي راسي بدا يعورني وبطني والله هلكت
مشكله مدرستنا يحروون .. اذا نقول لهم راسي يعورني ومادري وشو ما يطلعونكم يخلونكم لين اخر الدوام
عاد انا ماستحملت رحت حق الدكتور وعطاني حبوب مادري وشو .. راح الالم نص ساعه عقب رجع
يا عالم بامووت
 وصيتي سبيسي يتبرعون فيه حق المنكوبين في شرق اسيا لوولالمهم .. رجعت البيت طحت عـ الفراش لا شعوريا ورقدت .. متى قمت ؟
الساعه 7 الليل
 تخيلوا والله من التعب ماستحملت لا ويوم قمت بعد راسي وبلاعيمي يعوروني اكثر .. رحت المركز وكشف علي الدكتور
قهرني يقول لي ما فيك الا العافيه ومادري وشو .. وانا راسي شوي وينفجر
طلع عندي احتقان وسخونه داخليه الظاهر .. ايه وعطاني اجازة باجر بغيب خخ
اكيد مكاني بيبين فـ المدرسه << عاش واثق
المهم ما علينا مني .. حبيت اقول لكم اني بتوقف عن البلوقات فتره وقدرها 100 دولار
قصدي 100 يوم .. لالا شدعوه
مادري والله بس اظن اني مب منزل لكم شي يديد في الفتره اليايه
اول شي من المرض احس خلاص بموت .. بس بحاول باجر ولا اليمعه انزل لكم الصور
وثاني شي امتحاناتنا الاسبوع الياي >_< مالي نفس ادرس خير شر
وبس ما عندي سالفه لكم والله سوري عدوها هـ المره
لالا تعالوا لقيت لكم شي .. تدرون انا ائلف خواطر
 بس يعني مب محترفه عاديه جدا جدا ومبتدئه وايد الا يوم من الايام حطيت خاطرتي فـ منتدى .. الله يخليه والله صار لي 4 سنين وياه
ميه الف عضو فيه تخيلوا ! ومادري كم مشرف ووو .. إلخ
عاد قسم الخواطر هناك مهجوور .. يعني تحطون موضوعكم اليوم الثاني طاير الصفحه الثانيه ومحد راد عليكم
عاد انا حطيت خاطرتي وتوكلت .. وخليت المنتدى .. عقب اسبوع دخلت مره ثانيه
وادور الصفحه الثانيه .. الثالثه .. الخامسه .. العاشره .. وين طارت ؟
عقب رحت اسوي بحث فـ مواضيعي وطلعت .. توقعوا
امثبته
لالا مو مصدق انا حد يقرصني .. والله تشققت ..
المهم اخليكم مع الخاطره .. واهم شي رايكم فيها
ضاقت بي الدنيا عقب محبوبي جفاني :: هذي آخرتها تجرح من يحبك ويغليك ؟
وين احلامنا ؟ وين زمن الاماني ؟ :: بذمتك البعد حل يرضيك ؟ نسيت قولة احبك ؟ نسيت لا يمكن تنساني :: نسيت هذي عيوني دايم الدوم تبغيك ؟ قلبي وهو قلبي نهيته عنك وعصاني :: وجاك بجرحه الخافي ، جاك مجروح يحميك بديت تقسى وتنسى وقلبي بعده يعاني :: جاك ينبض باسمك ، جاك لاجل يهنيك على نجاحك بلعب دور الاناني :: ويقول خلص الدور تعال جنبي اسليك آخ من حبك بعطف المحبه عماني ::وعمى عينٍ تشوف حاضرك وماضيك تشوف الكلمه العذبه ، تشوف الخافق اللي بلاني :: تشوف بكل لحظة ألف ابيك ومابيك ! وعلى حساب قلبك قلبي عايش يعاني :: ليه يا قلبي ؟ تخفق لخلٍ يجافيك ؟ تحب قلبٍ يطري غيرك شخص ثاني :: وثالث ورابع ، ولا له بطاريك لا تظن لجل الوفا والحناني :: يبيع الدنيا ويرجع لدنياك يشريك ما كفتك الجروح من ناسٍ دواني ؟ :: الفرح يهجرك والجرح دايم يداريك في يومك ولحظتك والآني :: يزيد كره شخصٍ كنت تحسبه راعيك وجاك بعرش المحبه يقول ابعد هذا مكاني :: وجنبي غيرك نساني نهارك ولياليك وابعد غصب عني لجل محبوبٍ علاني :: ونبتعد انا وقلبي ونرضى بقدر المهاليك ونراقب الماضي ونبض قلوب خلاني :: القلب اللي تحبه وهو مادرى فيك ولو درى بالحال يسجنك بادفا الاحضاني :: ويقول توبه مافكر بعد اليوم اخليك ها اشغاايكم ؟ فله صح .. ادري ما في داعي تقولون خخ
ابوي يبيني احلق قرعه شرايكم ؟ احلق قرعه ولا اخلي شعري جيه خخ
احس ما يركب علي القرعه والله شكلي غلط .. بس هو يقول لي شعرك وايد طويل لو ما قصيته باجر باقرعك
يالله يكبر وينسى << شدخل
المهم سوري عـ البلوق الكجره من قلب بس شاسوي مريض والافكار كلها طايره من راسي
ناطر الكومنتزز
Bye 3月29日 ჯ خرابيطي ჯ..
 ..
.. اهلين وسهلين ..
حيالله زوار سبيسي منورين والله
شلونكم شخباركم ؟ شمسويين ؟
..
صار لي مده ما حطيت ابلووق يديد .. وعقب الاقبال الجماهيري اللي شفته
عـ بلوقي القديم << ارجوك يابو الاقبال ما يسوى علينا هالـ 6 كومنتس
قررت اني احط لكم هـ البلوق عاد هالمره خطير
البلوق فيه خرابيطي وقشي كله ههه لا يعني مب كله نصه
لا ولا حتى نصه << اذيتنا تراك
المهم يالله مابي اطولها وهي قصيره خلوني ابتدي
لا لا لا لحظة قبل لا ابتدي خخ رسوم الدخول
تصويت حق سبيسي لوولز .. توهم ضايفنه عندهم
ما عليكم مافي استمارات ولا شي بس اضغطوا عـ الصوره وبينحسب لي صوت
عاد هالله هالله فـ التوصيت اوكي ^^" لا تفشلوني
..
1
في ليله من الليالي الظلماء .. والنور يغطي كل مكان << شلون ظلام ونور يغطي حمد لله والشكر
ابيه تصدقون يطق مطر عندنا الحين << ماله خص في البلوق كلش
ههه لا والله صج .. غريبه .. لحظة شوي باروح اشوف المطر وباكمل لكم السالفه ..
باااك .. الله عـ المطر عجيب والله تسبحت
المهم خلوني اكمل لكم السالفه
عاد انا طاقه جبدي من الزين .. اسمع ميوزك ومادري شاسوي
قلت يالله خلوني اجرب العب بته فـ الكمبيوتر
ههه من زمان ما لعبت بته والله .. عاد لعبت هاي القلوب
وناسه والله عجيبه هـ اللعبه اخبر قبل كم سنه كنت متولع فيها
المهم وفزت عليهم بذكائي الخارق كـ العاده << ارجووك
شوفوا النتايج ..
اشكر حياتي والله فنان
ايه صج ما عليكم من الاسم اللي حاطه
 اسرار شخصيه لوولزالمهم ما علينا من هـ السالفه نغير الموضوع
2
السالفه الثانيه الله يسلمكم
لا هي مب سالفه بس ابي اراويكم تركيبي << شكبره بغل يركب تركيب
عاد مب اي تركيب تركيب بو 1000 حبه هلكت وانا اركبه
وتوني قبل اسبوع خلصته .. في حبه ضايعه .. مالت على البمبر شهر اركبه واخر شي حبه ضايعه
شوفوا هاي الصوره قديمه ... قبل 3 اسابيع يمكن
هههه هاي مكتبي جوفوا كره السله عجيبه والله خاطري اعضها
مادري شلون فيها داخل اسفنج ولا شي .. روحوا هوم سنتر بتعرفون
كله احط عليها بوقي و جوالي وخرابيطي يعني .. والدفتر الصغير هاي مال خواطري اللي اكتبها
وباقي اللي ورا خرابيط
3
هذي سالفه فنتك اصيل لوولز
الله يسلمكم يوم من الايام كان عندنا امتحان علوم
وعاد انا نومي مخربط من الزين
ارجع من المدرسه الساعه 3 وارقد لين 9 الليل ! تخيلوا
المهم عاد هاليوم كان حفل الاوسكار كشخه من الساعه 8 الليل يبتدي لين اليوم الثاني الساعه 8 الصبح
والله كنت بغيب بس مشكله الامتحان لا وبعد كان عندنا حاسب عملي نفس اليوم
المهم عاد انا مشالله علي وايد شاطر و24 ساعه جدام الكتاب ههه << ايه واضح
عاد هاليوم قلت عادي الا امتحان .. يكرم المرء او يهان << شدخل
قلت عادي افرط بهالامتحان عندي مليون امتحان غيره بس الاوسكار شي ما يتكرر
وقعدت عـ التلفزيون وملفي وكتابي جنبي بلفيت اني ادرس يعني
وكل ما تيي دعايه امسك الورقه واقعد اشخبط خخخ
شوفوا . .
هههه لا هاي الخرابيط اكتبهم فـ الحصص
وشوفوا هاي حالتي جدام التي في .. احلى شي انه فـ حجرتي
خخخ شوفوا الكاس اللي عـ اليمين
هاي مترووس كوافي .. او قراطيس بالاحرى
ومعظمهم جالكسي ... غرامي هالكافي والله
وفي النهايه امتحنت العلوم وانا دايخ حدي فـ الصف
وطلعت نتيجتي 64 من 100 .. زين والله ما سقطت بعد
عاد بعدين الاستاذ عدلها صارت 71 كشخه ههه
بس زين يعني مب بس انا اللي مزفت في وايد ناس مثلي
اقول لكم الكل انصدم يوم درا ان هاي درجتي
ما علينا .. المهم السالفه اللي عقبها
4
هاي اخر سالفه وبختتم فيها البلوق
الله يسلمكم يوم الجمعه دايما كل جمعه اروح الميلس بيت يدي
عاد هناك كله ربع يدي وابوي الشياب .. والله ملل من قلب
مسكين انا اقعد واتعبث فـ جوالي
عاد الساعه 9 ارجع البيت عشان اجوف سرفايفر ولوست
وبالمره امر عـ ماكدونالدز .. لانه قريب من بيت يدي
واطخ لي عشا عشان اتهنى عدل بـ المشاهده
اعيش الجو << شدخل
شوفوا شاطلب ..
يمممم حد يبي ؟ ما يغلى عليكم واللهـ
تصدقون اليوم ما تعشيت خاطري فيه
خخخ عاد انا اكون بروحي فـ البيت اجيب لابتوبي واقعد واكل واشوف تي في
بونكس 3 في واحد << شدخل هههه
اف كشخه
6
ايه تعالوا ذكرتوني هاذي اخر سالفه مب ذيك
لا هاي مب سالفه بس صوره
دي في دياتي حبايبي اللي يأنسوني وقت الوحده
عاد تدرون هاي ولا ربعهم .. هاي بس الافلام اللي احبهم
ولا الباقي حاطهم في مليون شنطه وشنطه
واللي محذفين على الارض واللي واللي << مهمل الولد
من زمان ما خذت لي فلم يبيلي اشترلي واحد
..
المهم هاي اللي عندي لكم اليوم اتمنى تكونون استمتعتوا بـ البلوق
واشكر كل الناس اللي ضافوا سبيسي عندهم راح اذكرهم لاحقا لاني مستعيل الحين
خبركم بفتح محل دي في ديات جنبه ماكدونالدز خخخ
لا اتشغمر .. قصدي اتغشمر
في وايد ناس يقولون اتشغمر تدرون ؟
المهم يالله ما طول عليكم
لا تنسون الكومنت حبايبي
يالله كل واحد بيحط لي كومنت باعطيه ورده حمرا
بسرعه قبل نفاذ الكميهخخخ حلفت عليكم ما تطلعون الا بكومنت اوكي ؟
ويالله لا تحرموني من شوفتكم وطلتكم البهيه
..
 .. 3月22日 ჯ أنت منت اللي عشقته ჯهلا وغلا هلا والله منورين ..
شلونكم شباب ؟ شخباركم ^_^ ؟
تدرون انا زعلان عليكم كلكم :( مابي احد يكلمني << ازعل بالطقاق
ايه بلوقي اللي فات مافيه ولا كومنت
تصدقون شكلي باسكر السبيس اذا جيه << توك فاتحه عنبو ..
المهم .. مافي شي يديد فهـ البلوق بس لقيت هـ القصيده وعيبتني صراحه ..
: طبعا من المبدع دوما وابدا حامد زين .. بعنوان المباني .. اخليكم مع القصيده
جابك الله من غياب ٍ ضيّـق صـدور المبانـي ::: قبل لا الوحشه تزعزع بيتـك الصلـب وتبيـده
بيتك اللي من رحلـت وكـل جدرانـه تعانـي ::: ماتحمـل ينتظـر شهريـن وعيونـك بعـيـده الله العالـم لـو إنـك جيـت متأخـر ثوانـي ::: ماتشوف إلا بقايـا مـن حصـاه ومـن حديـده من عرفتك وأنت تايه من موانـي لـي موانـي ::: وتارك ٍ قلبي مولّـع مـن وقيـده فـي وقيـده ضاعـت سنينـي أحـد بهاليالـي وتحـدانـي ::: وأنت ماتشبع غيـاب ولاتخـاف مـن النقيـده ودي أتحمـد لـك الله بالسلامـه , مامـدانـي ::: كل ماتوصـل برحلـه ترجـع برحلـه جديـده دام تدري كـل وجـه ٍ غيـر وجـه الله فانـي ::: ياخي أكسبلك ثواب وخاف ربـك فـي عبيـده كان فينـي عيـب قلي:فينـي العيـب الفلانـي ::: كان هرجي مزعلـك فـي شـي قلي:لاتعيـده عيب تصغر في عيوني وأنت برقـاب الغوانـي ::: كيف تستسهل طعوني وأنت خابرنـي وليـده ؟ لعنبوك أن مت بيدك من يفكك مـن أخوانـي ؟ ::: لحزنوا ربعي على فرقـاي شاللـي تستفيـده ؟ أنت منت اللي عشقته أنت أكيـد انسـان ثانـي ::: ليه صرت بهالبـرود وبهالاحاسيـس البليـده ؟ وين حبك للزعـل .ويـن العنـاد الأولانـي ؟ ::: وين حنّية زمـان وفرحـة العمـر الرغيـده ؟ وين ذاك اللي اليا أقبـل مايبـات إلا بمأنـي ؟ ::: وين راح اللي اليا أقفـى مايـروح ألا فقيـده ؟ واحد ٍ مـن جابـه الله بـس يامـر ويعصانـي ::: الوحيد اللي أخافه غصب وأمشـي معـه سيـده (مابغيت أطيـح بيـده) ليـن ماربـي بلانـي ::: ولا أنا لو هي بكيفـي (مابغيـت أطيـح بيـده) ذاك بس اللـي يامـن جيتـه يلخبـط كيانـي ::: اللـي بنظـره ينشـف دم قلبـي فـي وريـده قبل أشوفه أجمع اله أحلى القصايـد والمعانـي ::: وأن لقيته ماعرفـت أقـول لـي جملـه مفيـده الف مـره قبلـه أعـد القصيـده مـن لسانـي ::: ولعنبوه أن جيت عنده قمت أخربـط بالقصيـده أمدحه وأنـا أدري أنـه لـو تباطانـي نسانـي ::: أنطحه وانا أعرفـه مجنـون وأفكـاره عنيـده من يسوي بي سواتك يالرهيـف الاسمرانـي ؟ ::: منهو من الناس غيرك غلطته ترفـع رصيـده ؟ من يقص(جناح طيرك)وأنت أعز أنسان جاني ؟ ::: ليه أخاف(رماح غيرك)وأنت ضرباتك سديده ؟ ان تبعتك .أتبعك مـن طيبـي وواسـع بطانـي ::: ولا أنا لاجيـت أكيـد انسـان عـزالله بكيـده أقدر أنزع لك ثيابـي وألبـس ثيـاب الأنانـي ::: وأقدر أطلع من عذابي والعب بـدورك وأجيـده ومستعد أكسب رهاني لو بغيت أكسـب رهانـي ::: وأخدعك بحساس كاذب وأتحـدى مـن يصيـده أبك أنا لي شفت خلّي حط غيـري فـي مكانـي ::: والله إني لتركه وأن صـد لعشـق سيـد سيـده جيت مابيك تحقرني جيت أبيـك تعـز شانـي ::: جيت أبي فزعة ظلوعك من مشاعـرك البليـده خلني داخل (حدودك) وأجبـر بخاطـر زمانـي ::: أكذب بباقي (وعودك) وأصدق بلحظـه سعيـده أنتشلني مـن (بـرودك) لـو تولّـع بالمحانـي ::: عطني أحساس (بوجودك) وأخذ كل اللي تريـد تكفى واليا قلت :تكفى بيـع خلـق الله عشانـي ::: لاتضيّع من يدينـي فرصـة العمـر الوحيـده يعلم الله شفـت منـك ومـن غيابـك ماكفانـي ::: كـان ماتقـدر تخفـف هـم قلبـي !! لاتزيـده شف غيابك وش يسـوي بالصـدور وبالمبانـي ::: وأنت تدري كيف كانت صدمت غيابـك شديـده والله أنك لـو وصلـت البيـت متأخـر ثوانـي ::: مالقيت إلا بقايـا مـن حصـاه ومـن حديـده ها شقولكم ؟ عجيبه صح
 .. ؟ايه ذكرتوني .. عطونا التقارير اليوم .. الشهادات هع هع
عاد انا يبت 93 %
زوين بالنسبه للعلميه << درينا لا تقعد تفوشرالمهم .. ورجعت البيت وابوي يزفني .. عاد عصبت انا وقعدت ارادد
عيب واللهايه شاسوي قهرني .. يقول لي باسحب النت ومادري وشو .. انا قلت له اسحب بالطقاق
والله ما يبين في عينهم .. ولا مره سمعت كلمه حلوه كل ما اييب هـ النسب وليش وليش .. وكله يغلون السبه عـ النت
شنسوي بعد .. لازم نصبر .. بس عاد للصبر آخر .. خلاص ماقدر .. فـ قررت
ان اذا حرموني بانزل درجاتي بالعماله لوول عناد
شي ثاني قريت في بلوق من السبيسات قصه اغنيه المسافر
وهالاغنيه انا من المولعين فيها درجه اولى
.. عاد سمعت القصه ووايد اثرت فيني فقلت انقلها لكم
وصدقوني عقب لا تقرونها وتسمعون الاغنيه بييكم شعور غير مادري شلون
والله حرام .. المهم اخليكم مع القصه
قصــه اغنيـــة
.. المســـافــر الكل يعرف قصه اغنيه راشد الماجد المسافر راح ناس يحسبونها اغنيه عاديه كلمات ولحن وصوت للاسف الاغنيه هاذي اكبر من جذي بوايد وخصوصا لما نعرف انه القصه مستوحيها الشاعر من الواقع مو من خياله .. في يوم من الايام جاء شاب اعمى ودخل على الشاعر الامير بدر بن عبد المحسن الــقــصـــة وقاله قصتة وشهي قصتة ؟ يقول الشاب انه يحب بنت عمه مووووت موت وراح خطبها من ابوها... ابوها يبيله صفقه ... طلب منه مهر خرافي او ما ياخذ بنته ... وبما ان الشاب يحب بنت عمة راح وجمع دراهم الي يبيها عمه ورجع تقدم لها مرة ثانية بس الوالد رافض الولد بس كذا مزاااج ورفضه رفض باااات البنت من كثر ما تحب ولد عمها والاب حارمها جاها المرض الخبيث الله يكفينا شره جميعا وفي هذي اللحظة حس الاب انه ماله حق وندم وقرر انه يعالجها بالخارج ... بس البنت رفضت العلاج وقالت ليه اتعالج وليه اعيش من دون ما اخذ الي انا ابي ؟ الاب وعدها ان شفت انه يعطيها الي تبي فرحت البنت وخلاص تبي تسافر المفاجأة ......... توفت با الطائرة ........ درى ولد عمها ...... من كثر ما بكى عليها راحت عيونة وصار اعمى؟ كتب الامير كلمات تشيب الراس صراحه وهي كلمات المسافر راح اسمعوها وصدقوني راح تبكون وخصوصا لما يقول يا الله يا قلبي سرينا ضاقت الدنيا علينا وبعد لما يقول وينها اعيوني حبيبي سافرت مثلك حبيبي يقصد انة صار اعمى
يالله هاي اللي عندي .. وناطر كومنتس ..
بباي
3月19日 ჯ اضافات جديده ჯ حيالله زوار سبيسي والله منورين حبايب قلبي
 انزين شلون نبتدي ..
ماعرف واللهـ .. تدرون ما صار لي شي هالاسبوعين قمه الملل كانوا
واخس شي ان يوم الخميس خست في البيت ما طلعت لان محد من ربعي بيطلع
ايه عاد شسويت ماقدر ماطلع الخميس .. رحت خذت 100 ريال من عند ابوي و طرت عـ الجمعيه
ماخليت كافي ما طخيته .. بس اهم شي الجالكسي عجييب .. لا والشكل اليديد يم يم
عاد توهقت يوم ييت عند الكــشير
طلع الحساب 145 وانا ما عندي الا 100 << مفلس الحبيب
رحت وعطيت راعي الجمعيه دولارات .. ما يهون علي ارجع كوافيي خخ
اليوم ضفت اشياء يديده حق سبيسي انشالله تعجبكم..
اول شي تصميم عـ اغنيه نوال " نساني " خطيره هـ الاغنيه
اللي يبي يسمعها
واللي يبي يشوف التصميم
ها اشرايكم ^_^ ؟
والشي الثاني اللي ضفته لست يديد نكاتي
راح اكتب لكم النكات اللي احطها بالمسنجر واكتب التاريخ فوقها
وانشالله راح تكون اللست في تحديث مستمر
أخيرا وليس آخرا احب اشكر
&
لانهم ضافوا سبيسي عندهم .. مشكورين وما قصرتوا
وبس هاي اللي عندي اليوم .. يالله ناطر كومناتكم
وترقبوا كل جديد ومفيد معاي << دعايه لوول
.. بباي ..
 3月7日 ჯ قرنقعوه قرقاعوه ჯ |
ماعرف شيقولون لما يفتحون سبيس .. |
|
